5 февраль көнне Арча муниципаль районы мәдәният хезмәткәрләренең 2015 ел нәтиҗәләре буенча киңәшмәсе булып узды. Киңәшмәдә китапханәчеләр, музей, клуб һәм мәдәният йорты хезмәткәрләре, сәнгать мәктәбе укытучылары катнашты.
Арча муниципаль районы башкарма комитетының “Мәдәният идарәсе” Муниципаль учреждениесе начальнигы Мөхетдинов Рамил Рафис улы үзенең чыгышында 2015 елда башкарган эшләргә нәтиҗә ясап, уңышларны билгеләп үтте, җитешсезлекләрне һәм проблемаларны ачыклап, аларны бергәләшеп уңай якка хәл итү юлларын билгеләде һәм киләчәккә планнар белән танышырды.
Арча станциясендәге Күпфункцияле үзәкнең сәнгать җитәкчесе Фазылҗанова Ильмира Мәхмүт кызының, Яңа Кырлай авыл китапханәсе мөдире Әхмәтҗанова Наилә Наил кызының, райкомның профсоюз рәисе Дәүләтшина Наилә Эдемовнаның чыгышлары булып узды.
Киңәшмәдә кунаклар да катнашты: Татарстан Республикасы Министрлар Кабинеты карамагындагы Баш архив идарәсе җитәкчесе Ирада Хафиҗан кызы Әюпова һәм Арча муниципаль районы башкарма комитеты җитәкчесенең социаль мәсьәләләр буенча урынбасары Рамил Илгиз улы Гарифҗанов. Алар да үзләренең фикерләрен җиткерделәр.

IMG_8457 IMG_8465

IMG_8467 IMG_8470

IMG_8475 IMG_8477

IMG_8485 IMG_8486

IMG_8489 IMG_8496

IMG_8498

вход