Яңа ел маҗаралары

27 декабрьдә Арча Мәдәният йортында мөмкинлекләре чикләнгән балалар өчен яңа ел бәйрәме үткәрелде. Район башкарма комитеты җитәкчесе урынбасары Рамил Гарифҗанов балаларны һәм ата–аналарын яңа ел белән котлады, сәламәтлек, шатлыклар теләде. Аннан алар “Яңа ел маҗаралары” дигән сәхнәләштерелгән җырлы–биюле күңелле тамаша карадылар, Кар бабай һәм Кар кызы белән очраштылар.Соңыннан чыршы янында күңел ачтылар.